64ஆவது இந்திய தேசிய விருதுகள் அறிவிக்கப்பட்டுள்ள நிலையில், இயக்குநர் ராஜுமுருகனின் 'ஜோக்கர்' படத்துக்கு சிறந்த தமிழ்த் திரைப்படத்துக்கான தேசிய விருது அறிவிக்கப்பட்டுள்ளது.

இப்படத்தை, ட்ரீம் வொரியர் பிக்சர்ஸ் நிறுவனம் சார்பில் பிரபு தயாரித்துள்ளார். கிராம மக்களின் சுகாதார பிரச்சினையை மையமாக வைத்து, அரசியல்வாதிகளை கடுமையாக சாடிய படம் 'ஜோக்கர்'.

இப்படம் விமர்சன ரீதியாகவும், வசூல் ரீதியாகவும் பெரும் வரவேற்பு பெற்றது. மேலும், இந்த படத்தில் 'ஜாஸ்மீன்' என்ற பாடலைப் பாடிய சுந்தரா ஐயருக்கு சிறந்த பின்னணிப் பாடகர் விருது அறிவிக்கப்பட்டுள்ளது.

சிறந்த திரைப்பட எழுத்தாளருக்கான விருது தனஞ்சயனுக்கு அறிவிக்கப்பட்டுள்ளது. அதேபோல் சிறந்த பாடலாசிரியர் விருது தர்மதுரை படத்தில் இடம்பெற்ற “எந்தபக்கம”; என்ற பாடலை எழுதிய வைரமுத்துவிற்கு அறிவிக்கப்பட்டுள்ளது.

விக்ரம்குமார் இயக்கத்தில் சூர்யா நடிப்பில் வெளியான '24' படத்துக்கு சிறந்த தயாரிப்பு வடிவமைப்பு மற்றும் சிறந்த ஒளிப்பதிவிற்கான விருதுகள் கிடைத்துள்ளன.

விருதுகள் விபரம்
சிறந்த படம்: மராட்டிய மொழிப் படம் - காசவ்
சிறந்த இயக்குநர்: ராஜேஷ் மபுஸ்கா - மராட்டிய படம்- வென்டிலேட்டர்
சிறந்த நடிகை: சி.எம்.சுரபி - மினாமினுகு
சிறந்த நடிகர்: அக்ஷய் குமார் - ரூஸ்டம்
சிறந்த உறுதுணை நடிகை: ஜாய்ரா வாசிம் - தங்கல்
சிறந்த பாப்புலர் திரைப்படம் - சதாமனம் பவதி
சிறந்த குழந்தைகள் திரைப்படம் - தனக்
சிறந்த அனிமேஷன் திரைப்படம்- மஹோயோத ரானா
சிறந்த சண்டை வடிவமைப்பு: பீட்டர் ஹெய்ன்
சிறந்த குழந்தை நட்சத்திரம்: அதீஷ் பிரவீன் (படம்: குஞ்சு தெய்வம்), சாஜ் (படம்: நூர் இஸ்லாம்), மனோகரா (படம்: ரயில்வே சில்ட்ரன்)
சிறந்த பின்னணி பாடகி: இமான் சக்ரபர்த்தி
சிறந்த பின்னணி பாடகர்: சுந்தரா ஐயர் (ஜோக்கர்)
சிறந்த திரைக்கதை (ஒரிஜினல்): ஷ்யாம் புஷ்கரன்
சிறந்த திரைக்கதை (தழுவல்): சஞ்சய் கிருஷ்ணஜி படேல்
சிறந்த நடன அமைப்பு: ராஜூ சுந்தரம் (ஜனதா கார்கே)
சிறந்த இசையமைப்பு: பாபு பத்மநாபா (அலமா)
சிறந்த ஒப்பனை: எம்.கே.ராமகிருஷ்ணா
சிறந்த எடிட்டிங்: ராமேஷ்வர் - வென்டிலேட்டர்
சிறந்த பிராந்திய மொழி திரைப்படங்கள்:
மதிபூர் (துளு)
ஜோக்கர் (தமிழ்)
ராங்சைட் ராஜூ (குஜராத்தி)
பெல்லி சூப்புலு (தெலுங்கு)
தசகரியா (மராத்தி)
பிஸார்ஜன் (வங்காளம்)
மகேஷின்ட பிரதிகாரம் (மலையாளம்)
கே சரா சரா (கொங்கனி)
ரிசர்வேஷன் (கன்னடம்)
நீர்ஜா (இந்தி)