lan sinlan eng

கொஸிப்

அமெரிக்காவில் மில்லியன் டொலர்களை கடந்தது மெர்சல்

Star InactiveStar InactiveStar InactiveStar InactiveStar Inactive
 

அமெரிக்காவில் 'மெர்சல்' படத்தின் வசூல் மில்லியன் டொலர்களைக் கடந்துள்ளதாக, அப்படத்தின் விநியோகஸ்தர்கள் மகிழ்ச்சியுடன் தெரிவித்திருக்கிறார்கள்.

அட்லி இயக்கத்தில் விஜய் நடிப்பில் வெளியாகியிருக்கும் படம் 'மெர்சல்'. இப்படத்தில் இடம்பெற்றுள்ள ஜி.எஸ்.டி தொடர்பான வசனங்களுக்குப் பாஜக கட்சித் தலைவர்கள் கடும் ஆட்சேபம் தெரிவித்து வருகிறார்கள்.

இதனால் பெரும் சர்ச்சை உருவாகியுள்ளது. பாஜக கட்சியினர் ஆட்சேபம் தெரிவித்ததிலிருந்தே, வசூல் கணிசமாக கூடியது. இதனால் படக்குழுவினரும் மகிழ்ச்சியில் இருக்கிறார்கள்.

தமிழகம் மட்டுமன்றி அமெரிக்கா, அவுஸ்திரேலியா உள்ளிட்ட பல நாடுகளில் இந்தி படங்களைத் தாண்டி வசூல் செய்து வருவதாக இந்தி திரையுலகின் வியாபார நிபுணர்கள் கூறியுள்ளார்கள்.

இந்நிலையில், அமெரிக்காவில் 'மெர்சல்' படத்தை வெளியிட்டிருக்கும் ATMUS ENTERTAINMENT நிறுவனம் தங்களுடைய ட்விட்டர் தளத்தில் கூறியிருப்பதாவது:

“மில்லியன் டொலர் கனவு நனவானது! ஞாயிற்றுக்கிழமை மொத்த வசூல் 297,214 (அமெரிக்க) டொலர்கள். சனிக்கிழமையன்று 972,706 டொலர்கள். அமெரிக்காவில் மட்டும் மெர்சல் படத்துக்கு வசூல் மொத்தம் 10,02,420 டொலர்கள்!

#MillionDollarMersalUSA அமெரிக்காவில் இதுவரை அதிக வசூலான சிறந்த 5 தமிழ்ப் படங்கள் பட்டியலில் இடம்பிடித்தது மெர்சல், விஸ்வரூபம், லிங்கா, எந்திரன் மற்றும் கபாலி ஆகியவை முதல் நான்கு இடங்களில் உள்ளன. மெர்சல் நான்காம் நாள் முடிவில் நான்காம் இடத்தைப் பிடித்துவிடும். அமெரிக்காவில் தமிழ்ப் பட வசூலில் ரஜினிகாந்துக்கு அடுத்து விஜய் இருப்பார்.“ எனக் குறிப்பிட்டுள்ளார்.

Face Book Setup 01

 

Back to top
Go to bottom

பிரபலமான செய்தி